2023 წლის 24 ნოემბერს, მახინჯაურის საზღვაო ლიცეუმის X-XII კლასებში გიორგობის დღესასწაულთან დაკავშირებით ჩატარდა, ქართული ენისა და ლიტერატურის და უცხო ენათა ინტეგრირებული და საზოგადოებრივ მეცნიერებათა კათედრების ერთობლივი პრეზენტაცია თემაზე : „ქართველთა უპირველესი წმინდანი და მისი კულტი ქართულ ლიტერატურაში“.
• პრეზენტაცია ჩატარდა, ქართული ენისა და ლიტერატურის და ისტორიის მასწავლებლების, ანჟელა ჯაყელისა და ნინო სამხარაძის ხელმძღვანელობით.
• პრეზენტაციაზე მასწავლებლებმა ისაუბრეს წმინდა გიორგის ცხოვრებაზე, მის როლზე საქართველოს ცხოვრებაში, წმინდანის სახელზე აგებულ სალოცავებზე აგრეთვე წმინდანის კულტზე ქართულ ფოლკლორში.
• მოსწავლეებმა დასვეს კითხვები, წაიკითხეს ლექსები წმინდა გიორგიზე, როგორც ხალხური ზეპირსიტყვიერებიდან, ასევე ზვიად გამსახურდიას შემოქმედებიდან. გაეცნენ საპატრიარქოს მიერ მომზადებულ ვიდეორგოლს წმინდა გიორგის ცხოვრებაზე, მოუსმინეს წმინდანისადმი მიძღვნილ ტროპარს.
