2023 წლის 22 მაისს, მახინჯაურის საზღვაო ლიცეუმის X-XI კლასის მოსწავლეები სასწავლო ვიზიტით იმყოფებოდნენ ბათუმის ბოტანიკურ ბაღში.
ვიზიტის ფარგლებში ბოტანიკური ბაღის პერსონალმა მოსწავლეებს ბოტანიკურ ბაღში არსებული სხვადასხვა კლიმატური სარტყელის ბიომრავალფეროვნებების შესახებ გააცნო ინფორმაცია.
ბიომრავალფეროვნების დღე გაეროს ეგიდით საერთაშორისო თარიღადაა გამოცხადებული და მიზნად ისახავს დედამიწაზე არსებული ცოცხალი ორგანიზმების მიერ შექმნილი ეკოსისტემების დაცვას.
ვიზიტი დაიგეგმა სასკოლო პროექტის „დაიცავი გარემო, რათა დაგიცვას“ ფარგლებში და მისი მხარდამჭერი იყო აჭარის გარემოს დაცვისა და ბუნებრივი რესურსების სამმართველო.
