2023 წლის 29 მარტს, მახინჯაურის საზღვაო ლიცეუმს არასამთავრო ორგანიზაცია „იალქანის“ ბენეფიციარები სტუმროდნენ.
ლიცეუმის წარმომადგენლებმა ახალგაზრდებს გააცნეს საგანმანათლებლო დაწესებულებაში მოქმედი პროგრამები, ასევე დაათვალიერებინეს ინფრასტრუქტურა.
არასამთავრო ორგანიზაცია „იალქანის“ ბენეფიციარების კითხვებს ლიცეუმის სასწავლო პროცესის მართვის სამსახურის ხელმძღვანელმა, ასევე სასწავლო პროცესის მართვის სამსახურის სპეციალისტმა და კურატორმა უპასუხეს.
ახალგაზრდები დაინტერესდნენ ასევე ბათუმის ნავიგაციის სასწავლო უნივერსიტეტის ინიციატივით, რომლის მიხედვითაც, გოგონებისთვის სწავლება საბაკალავრო პროგრამებზე უფასო იქნება.
მახინჯაურის საზღვაო ლიცეუმის სასწავლო პროცესის მართვის სამსახურის ხელმძღვანელმა, კითხვა-პასუხის დასრულების შემდეგ, ახალგაზრდებს მატერიალურ-ტექნიკური ბაზა დაათვალიერებინა. ორგანიზაცია „იალქანის“ ბენეფიციარები იმყოფებოდნენ სამანქანე განყოფილების სიმულაციების ლაბორატორიასა და ნავიგაციური ხიდურის ლაბორატორიაში.
შეხვედრის ორგანიზატორი იყო ლიცეუმის საზოგადოებასთან ურთიერთობის სამსახური.
