2024 წლის 25 მარტს, მახინჯაურის საზღვაო ლიცეუმში, სასკოლო პროექტის, ,,მწვანე მომავლის“ფარგლებში მოეწყო მეორეული მოხმარების ნივთებისაგან დამზადებული მოსწავლეთა/პროფესიულ სტუდენტთა ნაკეთობების გამოფენა.
ღონისძიების ფარგლებში მოსწავლებმა/პროფესიულმა სტუდენტებმა ინდივიდუალურად წარმოადგინეს მათ მიერ, ნარჩენებისაგან შექმნილი ექსპონატები. მათე ქარჩავამ კი დამსწრე საზოგადოებას წაუკითხა საჯარო ლექცია ბუნების დაცვასთან დაკავშირებით და წარმოუდგინა პრეზენტაცია თემაზე: "კრეატიული მიგნებები მეორეული მოხმარების საგნების".
დასასრულს გაიმართა დებატები, რომელში მოსწავლეებთან/პროფესიულ სტუდენტებთან ერთად მოწვეულმა სტუმრებმა და მასწავლებლებმა/პროფესიული განათლების მასწავლებლებმაც მიიღეს მონაწილეობა.
პროფესიულ სტუდენტთა ხელნაკეთი ნივთების გამოფენა გაგრძელდება 29 მარტის ჩათვლით.
გამოფენის დასასრულს გაიმართება შემაჯამებელი ღონისძიება, რომელშიც მონაწილეობას მიიღებენ ამავე სასწავლებლის მოსწავლეები/პროფესიული სტუდენტები და წარმოადგენენ პრეზენტაციებს წრიული ეკონომიკისა და ნარჩენების გადამუშავების თემებთან დაკავშირებით.
ღონისძიებას კოორდინაციას უწევს სასკოლო პროექტის, ,,მწვანე მომავლის“ ხელმძღვანელი, სოფიო ნემსაძე.
