2022 წლის 5 ივლისს, მახინჯაურის საზღვაო ლიცეუმი სამეცნიერო ღონისძიებაზე -„საზღვაო ქვეყნის ლურჯი პოლიტიკა“ წარსდგა.
უმაღლესი საგანმანათლებლო დაწესებულების წარმომადგენლებმა, დაინტერესებულებს, ღია ცისქვეშ გახსნილ პავილიონთან უმასპინძლეს და საზღვაო სასწავლებლისა და მისი შესაძლებლობების შესახებ ინფორმაცია მიაწოდეს.
გამოიფინა სამეცნიერო ნაშრომები, ლექსიკონები.
მახინჯაურის საზღვაო ლიცეუმის გარდა, სამეცნიერო პავილიონების გახსნაში მონაწილეობა ქვეყნის მასშტაბით და რეგიონში მოქმედმა სხვა უმაღლესმა საგანმანათლებლო დაწესებულებებმა, სამეცნიერო-კვლევითი ცენტრებმა და სხვა ორგანიზაციებმა მიიღეს.
წარდგენილ იქნა შავი ზღვისა და რეგიონის კვლევების ამსახველი სხვადასხვა სახის სამეცნიერო პროექტის შედეგები. მოეწყო სახალისო აქტივობები მოსწავლეებისათვის, გამოფენები, ვიქტორინები და სხვა.
