2026 წლის 24 მარტს, მახინჯაურის საზღვაო სკოლაში საგანმანათლებლო აქტივობა ჩატარდა, რომელიც წყლის საერთაშორისო დღეს მიეძღვნა. ღონისძიებაში XI კლასის მოსწავლეები მონაწილეობდნენ.
აქტივობის ფარგლებში მოსწავლეებმა იმუშავეს თემატურ კროსვორდზე სახელწოდებით „წყალი და მსოფლიო ოკეანე“. პროცესის განმავლობაში, ისინი გაეცნენ წყლის რესურსების მნიშვნელობას, ოკეანის ეკოსისტემების მრავალფეროვნებასა და თანამედროვე გარემოსდაცვით გამოწვევებს.
კროსვორდის შექმნის შემდეგ გაიმართა თემატური განხილვა, სადაც მოსწავლეებმა შეაჯამეს მიღებული ცოდნა და იმსჯელეს წყლის დაცვის აუცილებლობაზე.
აღნიშნულმა აქტივობამ ხელი შეუწყო მათში გარემოსდაცვითი ცნობიერების ამაღლებასა და პროფესიული პასუხისმგებლობის განვითარებას.
აღნიშნული აქტივობა, გეოგრაფიის მასწავლებელმა, სოფიო ნემსაძემ ჩაატარა.
